Қазақстанның 43 компаниясы Жапонияға жылқы етін тасиды

Қазақстаннан Жапонияға жылқы етін тасымалдайтын компаниялар қатары көбейген, деп хабарлайды Azattyq Ruhy тілшісі Ауыл шаруашылығы министрлігінің баспасөз қызметіне сілтеме жасап.

«Қазақстан Республикасының Ауыл шаруашылығы министрлігі мен Жапонияның ауыл, орман және балық шаруашылығы министрлігі арасындағы екі жақты белсенді ынтымақтастықтың нәтижесінде Жапонияға жылқы етін экспорттауға құқығы бар кәсіпорындардың тізіліміне тағы 9 қазақстандық ет өңдеу кәсіпорны енгізілді», - деп хабарлады дереккөз.

Бұған дейін аталған тізілімде 34 қазақстандық кәсіпорын бар еді. Енді осы тоғыз компанияны қосқанда, олардың саны 43 компанияға жеткен.