Семейде Ертіс өзенінің жағасында ойнап жүрген 8 жасар қыз жоғалып кеткен

Полицейлерге қыздың туыстары 7 шілдеде түнгі сағат 23:00-де арызданып келген. Айтуларынша, 8 жасар қыз әкесімен өзенге кетіп, содан қайта оралмаған. Әкесі таныстарымен спирттік ішімдік ішіп, баласын қадағаламаған деп хабарлайды ШҚО бойынша Полиция департаментінің баспасөз қызметі.

Арыз түсісімен полицияның жеке құрамы түгел, сондай-ақ ұлттық гвардия сарбаздары іздеу жұмыстарына кірісті.

«8 шілде күні таңғы уақытта қыз бала сол күні өзен жағасында болған әйел адамның пәтерінен табылды. Қазіргі уақытта баланың жағдайы жақсы, анасының қолына тапсырылды», - делінген полиция таратқан хабарламада.