Нұр-Сұлтанда жолаушылар автобусы өртеніп кетті

Нұр-Сұлтанда жолаушылар тасымалдап жүрген автобус өртеніп кетті, деп хабарлайды Azattyq Ruhy.

Қалалық төтенше жағдайлар департаментінің баспасөз қызметі хабарлағандай, 27 шілдеде сағат 14:45-те Керей-Жәнібек хандар мен Түркістан көшелерінің қиылысында автобус өртеніп жатыр деген хабар түскен.

«Оқиға орнына шұғыл жеткен өрт сөндірушілер автобустың қозғалтқыш бөлігі өртеніп жатқанын анықтады. Өрт сағат 14:58-де сөндірілді. Құрбандар мен зардап шеккендер жоқ», - делінген ТЖД хабарламасында.

Өртті сөндіруге Нұр-Сұлтан қаласы ТЖД жеке құрамының бес адамы мен бір техникасы жұмылдырылды.