Павлодарда жасөспірім 14-қабаттан құлап мерт болды

Павлодар қаласында 15 жастағы жасөспірім терезеден құлап көз жұмды, деп хабарлайды Azattyq Ruhy.

Облыстық полиция департаментінің мәліметінше, қайғылы оқиға 25 қыркүйек күнгі сағат 18:00-ден 19:00-ге дейінгі уақыт аралығында болған.

«Павлодар қаласының полициясына 2007 жылы туған кәмелетке толмаған бала 14-қабаттан құлап, алған жарақаттарынан оқиға орнында көз жұмғандығы туралы хабарлама келіп түсті», - деді департаментте.

Аталған факті бойынша қажетті тергеу іс-шаралары жүргізілуде. Бірқатар тиісті сараптамалар тағайындалды. Оқиғаның мән-жайы мен себептері анықталып жатыр.